Mieling Harkodia 2023, LSM Penjara Indonesia Majalengka: Praktek Korupsi Aya di Ampir unggal Tempat

Uwrite.id - Mieling Hari Anti Korupsi Sedunia (Harkodia) Lembaga Swadaya Masyarakat (LSM) Penjara Indonesia Kabupaten Majalengka ngagelar aksi di dua tempat.

Rengse nepikeun aspirasina di kantor Inspektorat, LSM Penjara Indonesia ngadatangan kantor Kejaksaan Negeri Majalengka, Kemis, 7 Desember 2023.

Dina aksina LSM Penjara Indonesia nepikeun sababaraha aspirasi ngeunaan ditanjeurkeunana hukum jeung tindak pidana korupsi di Kabupaten Majalengka.

Ketua DPD LSM Penjara Indonesia, Dede Setiabudhi, M.Pd., nyebutkeun, aksi digelar bukti kontribusi lembagana dina nyinglar praktek-praktek korupsi di Majalengka.

“Ku ayana dugaan antek koruptor urang kedah waspada. Kruptor moal tiasa laluasa, moal tiasa ngalaksankeun modusna sacara lancar saupami teu aya antek koruptor,” ceuk Budhi, nenehna Dede Setiabudhi.

Budhi nyebutkeun nu matak gogodeg koruptor geus aya di ampir unggal tempat. "Pangemut simkuring, dina ngama'naan anti korupsi, pikeun nyinglar korupsi dimimitian ti lingkungan urang heula, di tingkat RT, RW ka desa jeung saterusna," ceuk Budhi.

Dina aksina, LSM Penjara Indonesia ditepungan langsung ku Kepala Kejaksaan Negeri Majalengka. Tanda Kejari ngaapresiasi kana perhatianana elemen masarakat nu konsisten kana nyinglar korupsi di Majalengka. (*)